Өргөдөл гомдол, талархлын тайлан

Нэмэлт мэдээлэл

Нийтлэгдсэн огноо 2019 оны 4 сарын 10, Лхагва гариг, 5:49

Нийслэлийн түргэн тусламжийн төвийн албан тушаалтанд гаргасан өргөдөл, гомдлын шийдвэрлэлтийн тайланг чанарын албанаас 14 хоног тутам, болон улирал бүр “Улаанбаатар ERP”  програмаар иргэдээс ирсэн өргөдөл гомдлын тайланг явуулж байна.

Талархлыг 1 дүгээр улирлаар үзэхэд Засгийн газрын 11-11 төв, 1800-1200 оператораар дамжигдан цахим хэлбэрээр 19 удаагийн хандалтаар талархал ирсэн.

Иргэдээс эмнэлгийн тусламж үйлчилгээг газар дээр нь болон эмнэлэг хүртэл маш сайн үзүүлсэн гэж талархлыг  31 дуудлагын их эмч, 4 сувилагч, 20  дуудлагын жолоочид өгсөн байна. Талархлыг байгууллагын талархлын самбар, вэб сайтад байршуулж, эмч, сувилагч, жолооч нарт танилцуулан ажил дүгнэх үзүүлэлтэнд оруулж, урамшуулж ажиллаж байна.

Эхний улиралд Засгийн газрын 11-11 төв, 1800-1200 операторын цахим хэлбэрээр 8 гомдол ирсэн. Гомдлыг шалгаж үзэхэд үндэслэлгүй 1, шалгах боломжгүй 1, зөрчил гаргаагүй 2 байсан. 

Харьцаа, хандлага болон хүлээгдэлтэй холбоотой 4 гомдол гарсан. Ёс зүй, харьцаа хандлага, хүлээгдэл гаргаж ажилласан  эмч нарт  чанарын талон цоолох, сануулах хариуцлага тооцож, үүрэг даалгавар өгч, гомдлын хариуг хугацаанд нь иргэнд өгсөн.

Мөн гомдол алдаа зөрчлийг бууруулах зорилгоор олон ажлуудыг санаачлан зохион байгуулж ажиллаж байна.

Чанарын алба