Болзох цэг байгуулахаар боллоо.

  • Хэвлэх
Нэмэлт мэдээлэл
Нийтлэгдсэн огноо 2014 оны 6 сарын 2, Даваа гариг, 6:39

Түргэн тусламжийг тосон уулзах “Болзох цэг”-ийг гэр хороололд байгуулахаар боллоо.

Улаанбаатар хотын Захирагчийн Гэр хорооллын ажлын албадын дарга нар Нийслэлийн түргэн тусламжийн төвийн захирал Ц.Пүрэвдаш, дэд захирал Н.Ариунболд нартай уулзлаа. Уулзалтаар Нийслэлийн яаралтай тусламжийн авто машинууд гэр хорооллын айл өрхийн дуудлагад явахад гудамж нь мухар, хаяг тодорхойгүй зэрэг хүндрэл учирдаг.

Энэ нь яаралтай тусламжийнхан айлдаа хүрч чадахгүй цаг алдах, цаашилбал өвчтөний биеийн байдалд сөргөөр нөлөөлөх хэмжээний хүндрэл учруулдаг. Тиймээс мухар гудамжинд амьдардаг, түргэн тусламжийн машин хүрэхгүй айл өрхүүдийн судалгааг гаргаж хамтарч ажиллахаар болсон байна. Мөн гэр хорооллын гудамжинд иргэд, яаралтай түргэн тусламжийнхныг тосон авч уулзах “Болзох цэг”-ийг байгуулахаар ярилцан оновчтой байршлыг тодорхойлохоор санал солилцжээ. Цаашид хоёр тал хамтран хороодод эрүүл мэндийн анхан шатны сургалтыг зохион байгуулж, Захирагчийн гэр хорооллын ажлын албадын туслах, иргэдийг идэвхитэй хамруулан, алслагдсан хороодод гарч буй өвчлөлийг бууруулахад анхаарч ажиллахаар боллоо.